Psa 81 | CopSahBible2 | STEP | ⲡⲉⲯⲁⲗⲙⲟⲥ ⲛⲁⲥⲁⲫ ⲁⲡⲛⲟⲩⲧⲉ ⲁϩⲉⲣⲁⲧϥ ϩⲛ ⲧⲥⲩⲛⲁⲅⲱⲅⲏ ⲛⲛⲛⲟⲩⲧⲉ ⲉϥϩⲛ ⲧⲙⲏⲧⲉ ⲇⲉ ϥⲛⲁϫⲛⲉ ⲛⲛⲟⲩⲧⲉ

Psalms 81

1 ⲡⲉⲯⲁⲗⲙⲟⲥ ⲛⲁⲥⲁⲫ ⲁⲡⲛⲟⲩⲧⲉ ⲁϩⲉⲣⲁⲧϥ ϩⲛ ⲧⲥⲩⲛⲁⲅⲱⲅⲏ ⲛⲛⲛⲟⲩⲧⲉ ⲉϥϩⲛ ⲧⲙⲏⲧⲉ ⲇⲉ ϥⲛⲁϫⲛⲉ ⲛⲛⲟⲩⲧⲉ 2 ϫⲉ ϣⲁ ⲧⲛⲁⲩ ⲧⲉⲧⲛⲕⲣⲓⲛⲉ ⲙⲡϫⲓⲛϭⲟⲛⲥ ⲧⲉⲧⲛϫⲓ ⲙⲡϩⲟ ⲛⲛⲣⲉϥⲣⲛⲟⲃⲉ ⲇⲓⲁⲯⲁⲗⲙⲁ 3 ⲕⲣⲓⲛⲉ ⲙⲡⲟⲣⲫⲁⲛⲟⲥ ⲙⲛ ⲡϩⲏⲕⲉ ⲛⲧⲉⲧⲛⲧⲙⲁⲉⲓⲟ ⲙⲡⲉⲧⲑⲃⲃⲓⲏⲩ ⲙⲛ ⲡⲉⲃⲓⲏⲛ 4 ⲙⲁⲧⲟⲩϫⲉⲡⲉⲃⲓⲏⲛ ⲙⲛ ⲡϩⲏⲕⲉ ⲛⲁϩⲙⲉϥ ⲉⲧϭⲓϫ ⲛⲛⲣⲉϥⲣⲛⲟⲃⲉ 5 ⲙⲡⲟⲩⲉⲓⲙⲉ ⲙⲡⲟⲩϭⲙⲡⲉⲩϩⲏⲧ ⲉⲩⲙⲟⲟϣⲉ ϩⲙ ⲡⲕⲁⲕⲉ ⲥⲉⲛⲁⲕⲓⲙ ⲛϭⲓ ⲛⲥⲛⲧⲉ ⲙⲡⲕⲁϩ 6 ⲁⲛⲟⲕ ⲁⲓϫⲟⲟⲥ ϫⲉ ⲛⲧⲉⲧⲛ ϩⲉⲛⲛⲟⲩⲧⲉ ⲛⲧⲉⲧⲛ ⲛϣⲏⲣⲉ ⲙⲡⲉⲧϫⲟⲥⲉ ⲧⲏⲣⲧⲛ 7 ⲉⲓⲥ ϩⲏⲏⲧⲉ ⲧⲉ ⲧⲉⲧⲛⲁⲙⲟⲩ ⲛⲑⲉ ⲛⲛⲣⲱⲙⲉ ⲁⲩⲱ ⲧⲉⲧⲛⲁϩⲉ ⲛⲑⲉ ⲛⲟⲩⲁ ⲛⲛⲁⲣⲭⲱⲛ 8 ⲧⲱⲟⲩⲛⲅ ⲡⲛⲟⲩⲧⲉ ⲛⲅⲕⲣⲓⲛⲉ ⲙⲡⲕⲁϩ ϫⲉ ⲛⲧⲟⲕ ⲡⲉⲧⲛⲁϥⲱⲧⲉ ⲉⲃⲟⲗ ⲛⲛϩⲉⲑⲛⲟⲥ ⲧⲏⲣⲟⲩ